O nome é en homenaxe á parroquia de Ecoleia (Torneiros), a gandería veciña de onde procede o leite ecolóxico recén muxido, o protagonista deste queixo. Receita de queixo tradicional que innova cunha codia á que lle aportamos carbón vexetal para favorecer o crecemento de levaduras e mofos comestibles.

– Este queixo non se prensa, deixámolo desorar de xeito natural pola gravidade até o punto de acidez preciso volteándoo varias veces.

– Despois de salar en salmoeira, pasa a unha breve fase de afinado.

– Unha vez oreado, aplicamos a man unha capa de carbón vexetal alimentario que axuda á evolución desexada da codia.

– Cando as levaduras e os fungos comezan a desenvolverse, envólvese en papel especial e remata de madurar en frío, conservando humidade na pasta.

– Tempo de afinado entre 30 e 40 días.

Leite crú de vacas da granxa alaricana ecolóxica Ecoleia. Vacas que pastan e dan leite. O leite Ecoleia muda en matices de sabores dunha estación a outra, isto débese aos cambios estacionais da herba e isto inflúe positivamente

O leite Ecoleia chega a nosa queixería recén muxido. Unha hora despois de saír da ubre comeza a transformarse en queixo. Traballado sempre a man para manter as súas propiedades.

– O afinado na cámara dura como mínimo 2 meses, onde se favorece o desenvolvemento das levaduras e se impregna a codia natural coas nosas propias mans cunha capa de aceite de oliva.

– Pódese observar como a pasta do queixo ten pequenos ollos irregulares distribuídos de forma homoxénera cunha cor amarelo, isto débese aos carotenos que aporta a alimentación das vacas a base de herba.